🔥 कधी होणार माणूस! 🔥

🔥 कधी होणार माणूस! 🔥

माय पित्याच्या पोटी माणूस म्हणून जन्म घेतला.
जन्मा बरोबर सोबत जात धर्म कोणीच घेऊन नाही आला.

समाजातील माणसानी त्याला जाती धर्माची ‌शिकवण दिली.
मनुवादी व्यवस्थेने जाती धर्मांच्या ‌नावावर माणसांची विभागनी केली.

कोणत्या जाती धर्मात जन्म घ्यावा हे कोणाच्याही नसते हातात.
जन्मापासून सर्वांचे अवयव एक सारखेच असतात.

तरी देखील माणसांमध्ये भेदभाव कश्यासाठी करतात.
निवडणुकीच्या वेळी सर्व जाती धर्माची मतं कशी काय चालतात.

मानवता हाच खरा धर्म, माणूस हीच खरी जात.
मानवी जीवन जगताना एकमेकांना देत का नाही हातात हात.

माणूस म्हणून आपण जन्म घेतला नाही का माणसात.
पेशंटला रक्त देताना पाहून देता
का रक्ताच्या बाटलीवरील जात.

जाती धर्माचे तण विवेकवादी विचारांच्या मशालीने जाळून टाका.
मानवतेच्या डोक्यातील जाती धर्माची किडीचा नायनाट करुन टाका.

जाती धर्माच्या नावाखाली घडवून आणल्या जातात दंगली.
दंगली तून निष्पाप माणसांच्या होतात कत्तली.

अत्याचाराच्या डोंगर कपारीत घुमतात आक्रोशाची किंकाळी.
मर्द म्हणून शेळी सारख्या कशाला फोडता डरकाळी.

निसर्गातील हवा, पाणी, प्रकाश, चांदणं, जमीन, सर्वांना सारखी
माणसा सारखी माणसं का नाही सर्वांना एकसारखी.

जाती धर्मांच्या मुळं कोणाच्या जीवनात आडलय घोडं
माणूस म्हणून माणसांसाठी विचारात घे ना थोडं.

माणसांच्या माणूसकीला जाती धर्माची किड लागली.
लोकशाहीची हत्या करायला राज्यकर्त्यांनी सुरुवात केली.

विज्ञान युगात देशांची सर्व क्षेत्रात शास्त्रज्ञांनी प्रगती केली.
अंधश्रद्धेच्या कर्मकांडात‌ माणसानी बुद्धी गहाण टाकली.

शरीर आपलं डोकं दुसऱ्याचं कसे होणार आपण विवेकवादी.
अज्ञानाच्या संधीचा फायदा घेतो आहे मनुवादी.

अरे माणसा,माणसा कधी होशिल रे तू माणूस.
कधी पाडशिलं धर्तीवर माणुसकीच्या विचारांचा पाऊस.

मनुवाद्यानी जाती धर्माच्या भिंती बांधल्या स्वार्थापोटी.
राष्ट्रीय थोर समाजसुधारकांनी उध्वस्त केल्या मानवतेच्या कल्याणासाठी.

राज्यकर्ते राहतात पोलिस सुरक्षतेच्या पिंजऱ्यात.
काठ्या, तलवारी देतात बहुजन मुलांच्या हातात.

बहुजनांची मुलं बंदिस्त केली जातात जेलच्या कैदखान्यात.
राज्यकर्त्यांच्या नावाने नातेवाईक आयुष्यभर पश्चात्ताप करत बसतात.

बहुजनांच्या मुलांचा वापर राज्यकर्ते गरजे नुसार वापर करून घेतात.
वापराची गरज संपल्यानंतर फेकून देण्याची प्रवृत्ती नेते वापरतात.

माय पित्याच्या पोटी जन्माला येताना मोकळ्याचं हाताने येतोस.
शेवटी जातानाही मोकळ्याचं हाताने जातोस.

तरी देखील भ्रष्ट माणसा तुझी राक्षसी स्वार्थी प्रवृत्ती कशासाठी.
पाठीमागे शिल्लक राहते केलेलं कर्म मानवतेच्या कल्याणासाठी.

देश हा माझा मी या देशाचा अशी मानसिकता तयार झाली.हृदयात.
तरचं देशातील जनता नांदेल आनंदाने घराघरात.

माणसाणं माणसाशी माणसासारखे वागावे हीच खरी माणुसकी.
देशाचा सुज्ञ नागरिक म्हणून कधी दाखवणारं आहेस आपुलकी.

देशमुख पी.आर.
9921111955