ऑस्ट्रेलिया दौऱ्याच्या पार्श्वभूमीवर भारतीय संघाने एक महत्त्वपूर्ण पाऊल उचलले आहे. कर्णधार रोहित शर्मा वैयक्तिक कारणास्तव पहिला टेस्ट सामना खेळणार की नाही, याबाबत अजूनही अनिश्चितता आहे. त्यामुळे रोहितच्या अनुपस्थितीत सलामीसाठी नवीन पर्याय तयार ठेवण्याच्या दृष्टीने भारतीय संघ व्यवस्थापनाने काही खेळाडूंची निवड केली आहे.
ऑस्ट्रेलिया दौऱ्यावरच्या दुसऱ्या चार-दिवसीय सामन्यात टीम इंडियाच्या ‘ए’ संघात के.एल. राहुल आणि ध्रुव जुरेल यांना समाविष्ट करण्यात आले आहे. के.एल. राहुल आता अभिमन्यू ईश्वरनसोबत सलामीला येण्याची शक्यता आहे. हा सामना रोहितच्या अनुपस्थितीत पहिल्या टेस्टमध्ये सलामीसाठी योग्य खेळाडू निवडण्याच्या दृष्टीने महत्त्वाचा ठरणार आहे.
मुंबईत न्यूझीलंडविरुद्धच्या टेस्ट सामन्यानंतर रोहित शर्माने स्पष्ट केलं होतं की, तो पहिल्या टेस्टसाठी उपलब्ध असेल का, याबाबत अद्याप अनिश्चित आहे. त्यामुळे, सलामीची जबाबदारी कोणाला दिली जाईल, यासाठी राहुल आणि ईश्वरनमध्ये थेट स्पर्धा आहे.
ध्रुव जुरेलही ऑस्ट्रेलियात सरावासाठी भारत ‘ए’ संघासोबत गेला आहे आणि तो इशान किशनसोबत यष्टिरक्षकाच्या भूमिकेसाठी स्पर्धा करणार आहे.
तर, रोहित शर्मा उपलब्ध नसेल, तर सलामीसाठी राहुल किंवा ईश्वरन यांना प्राधान्य दिले जाईल, अशी शक्यता आहे. या सामन्यातील कामगिरी भारताच्या आगामी बॉर्डर-गावस्कर ट्रॉफीतील सलामी जोडीवर प्रभाव टाकेल
