🔥 घरटी 🔥

🔥 घरटी 🔥

घरटी बांधण्याची शिकवली नाही कोणी कला,
रक्तातच उपजत गुण होता, अनुभव मोठा भला.

वयात आलेल्या नर-मादीने प्रेमसंबंध जोडले,
अंड्यांना उब देण्यासाठी घरटे बांधले.

घरट्यात नर आणि मादीने संसार थाटला,
कालांतराने अंड्यांतून पिलांनी जन्म घेतला.

जन्मदात्यांनी पिलांना चोचीने चारा भरविला,
निस्वार्थ सेवेचा त्यांनी मार्ग दाखविला.

माय-पित्याच्या देखरेखीखाली पिलं मोठी झाली,
पंखात बळ मिळताच घरट्यातून भरारी मारली.

कष्टातून बांधलेली घरटी बिचारी निराधार झाली,
घरट्याला आधार दिलेली फांदीही गळून पडली.

बळीराजा घाम गाळुनी धान्य पिकवतो,
पृथ्वीवरील सर्व सजीव धान्य खाऊन तृप्त होतो.

निसर्गातील पशुपक्षी स्वच्छंदी आनंदाने जगतो,
जगण्यात स्वार्थ त्यांच्यात कधीच नसतो.

नाही केला कधी धन-संपत्तीचा साठा,
स्वावलंबी जगण्यातच त्यांचा आनंद मोठा.

कधीच नाही जागेसाठी भांडणं केलं,
मिळेल ते खाऊन, मिळेल त्या फांदीवर राहिलं.

ऋतूनुसार हवामानही बदलत जातं,
पंखांमध्ये शरीर झाकून सर्व सहन करतं.

मार्गदर्शनाचं नाही कोणी यांचे गुरु,
अनुभवाच्या ज्ञानामृतातून तयार झाले महागुरु

देवळात जाऊन कधी नाही केली भक्ती,
कष्टातून शोधली त्यांनी खऱ्या जीवनाची युक्ती.

कधीच नाही कोणाकडे हात जोडून भीक मागितली,
निसर्गानेच त्यांच्या आयुष्याची भूक भागविली.

जाती-धर्माची कोणतीही बंधनं नाहीत त्यांना,
निसर्गाच्या सान्निध्यात मनसोक्त जीवन जगणं.

बांधू नका जाती-धर्माच्या फांदीवर मनुवादी व्यवस्थेचं घरटं,
मानवतेच्या फांदीवर बांधा नेहमी माणुसकीचं घरटं.

मानवतेच्या पिल्लांना पाजवा संस्कारांचं पाणी,
माणुसकीची फुलं उमलतील गुलाबा वाणी.

जीवन हे सुंदर पृथ्वीवरील प्रवासाची यात्रा आहे,
पृथ्वीच्या घरात क्षणभर भाडोत्री म्हणून आपण राहतो आहे.

मानवी हृदयांत मनुवादी विचारांची घरटी कधी बांधू नका,
कर्मकांडाच्या अग्नीचा जीवनात उडेल भडका!

देशमुख पी.आर.
9921111955