Mumbai ( मुंबई )
बॉलिवूड सुपरस्टार शाहरुख खानला छत्तीसगडमधून धमकीचा फोन आला आहे. या फोन कॉलमुळे खळबळ उडाली असून मुंबई पोलिसांनी याप्रकरणी केस दाखल केली आहे.
शाहरुख खानला धमकीचा फोन थेट मुंबईतील बँद्रा पोलिस ठाण्यात आला. छत्तीसगडच्या रायपूरमधून फोन करणाऱ्या फैजान नावाच्या व्यक्तीने ५० लाख रुपयांची खंडणी मागितल्याची माहिती पोलिसांनी दिली आहे. फैजानची ठिकाण शोधण्यासाठी पोलिसांनी सक्रिय फोन नंबरद्वारे लोकेशन ट्रेस केले असून, पोलिसांची एक टीम रायपूरला पोहोचली आहे.
गेल्या वर्षी ऑक्टोबरमध्येही शाहरुखला धमकी मिळाली होती. त्यावेळी त्याच्या दोन सुपरहिट चित्रपटांनंतर – ‘पठाण’ आणि ‘जवान’ – त्याला ही धमकी आली होती. त्यामुळे मुंबई पोलिसांनी त्याच्या सुरक्षेत वाढ केली होती आणि Y+ सुरक्षा दिली होती. या सुरक्षेमुळे शाहरुख खानला दिवस-रात्र सहा सशस्त्र जवानांचा संरक्षण कवच मिळतो आहे.
फैजानच्या फोनमुळे शाहरुखच्या सुरक्षेवर आणखी एकदा प्रश्नचिन्ह उभे राहिले आहे. या प्रकरणातील तपास सुरू असून, पोलिस अधिकृतरित्या आरोपीला अटक करण्यासाठी प्रयत्नशील आहेत.
