🔥 !! महामानव !! 🔥

‌‌. ‌ 🔥 !! महामानव !! 🔥

    (*डॉ.बाबासाहेब आंबेडकर*) 

भिमाईने क्रांती सुर्य पुत्र भिमरावाना जन्म दिला .
अवकाशातून आनंदाच्या विजांचा लखलखाट प्रकाश धर्तीवर पडला.

पृथ्वीवरील वादळ वारे मानव प्राणी दऱ्या खोऱ्यातून आनंदाने डोलू लागले.
मानवतेच्या कल्याणासाठी युगपुरुष म्हणून बाबासाहेब धर्तीवर जन्माला आले.

मनुसंस्कृतीने सामान्य जनतेला
अज्ञानाच्या अंधारात डांबले होते.
बाबासाहेब अज्ञानाच्या अंधारातून विज्ञानाची वाट शोधत होते.

मनुस्मृतीच्या वेदनांनी सुकलेल्या कळ्या आनंदाने फुलायला लागल्या.
मनुसंस्कृतीने माणसाच्या जगण्यावर केलेल्या जखमा सुकू लागल्या.

सर्व सामान्य माणसं आनंदीत होऊन समाधानकारक जीवन जगू लागले.
निसर्गातील वेली पाने फुले पक्षी प्राणी मानव प्रफुल्लित झाले.

मनु संस्कृतीच्या डोंगर कपारीत बाबासाहेबांनी अन्न पाण्या विना आयुष्य जिझवले.
घडणाऱ्या प्रसंगांना बाबासाहेबांनी विद्धवतेच्या जोरावर लढून जिंकले.

मनुवादी व्यवस्थेशी झुंज देतच संपूर्ण आयुष्य बाबासाहेबांनी जीवन घडविले.
झुंज देताना मनुवादी व्यवस्थेच्या मैदानातून कधीच नाही हारले.

जीवनातील प्रत्येक प्रसंगाच्या लढाया वैचारिक सामर्थ्याने लढले.
आणि इतरांनाही प्रसंगाशी लढायला
सामर्थ्य दिले.

दलित गावाबाहेर मनुवादी भितीच्या छायेखाली झोपत होते.
बाबासाहेब मात्र उपाशीपोटी रात्रभर पुस्तकांच्या ढिगाऱ्यात बसून अभ्यास करीत होते.

बाबासाहेबांनी अनेक विषयातून प्रदेशातून उच्च दर्जाच्या बत्तीस पदव्या संपादीत केल्या.
नऊ भाषेत प्राविण्य मिळवून पंडितांच्या दाही दिशा चितपट केल्या.

बाबासाहेबांच्या बुद्धिमत्तेला सलाम करण्यासाठी राजे त्यांच्या भेटीला आले.
त्यांची विद्वत्ता पाहून राज्यांनी उच्च शिक्षणासाठी आर्थिक मदत देवून प्रदेशात पाठविले.

बाबासाहेबांनी जगामध्ये सर्व श्रेष्ठ भारतीय घटना लिहून भारतीयांना अर्पण केली.
सर्व जाती धर्मातील जनतेला मानवतेची समान एका माळेत फुले गुंफविली.

सर्वांना समानता बंधुता स्वातंत्र्य न्याय हक्क अधिकार लेखणीच्या सामर्थ्यावर मिळवून दिला.
कोणत्याही जाती धर्माच्या रक्ताचा एक थेंबही न सांडता इतिहास घडविला.

संविधानामुळे सर्व जाती धर्माचे जनता गुण्यागोविंदाने एकत्र नांदू लागली.
लोकांनी लोकांच्या साठी चालवलेली लोकशाहीची मुल्य देशात रुजवली.

आपल्या विद्धवतेचा वापर त्यांनी जनतेच्या कल्याणासाठी केला नसता.
तर आज जगातील सर्वात श्रीमंतांच्या यादीत बाबासाहेब पहिला दिसला असता.

दलितांना न्याय हक्क स्वातंत्र्य अधिकार मनुसंस्कृतीने कधीच मिळू दिले नसते.
मनुवादी व्यवस्थेच्या पिंजऱ्यात दलित कायमचेच गुलाम होऊन राहिले असते.

बाबासाहेबांनी सर्व क्षेत्रात राखीव जागेसाठी कायदा केला नसता.
तर एकही लोकप्रतिनिधी म्हणून सत्तेच्या खुर्चीवर आज बसला नसता.

संविधानामुळे राखीव जागेतून लायकी नसलेले सत्तेच्या खुर्चीवर निर्लज्ज लाचार होऊन बसले.
सत्तेची चावी मिळाल्यावर संविधानाला आणि समाजावर बेईमान होऊन गद्दार झाले.

हिन्दू म्हणून जन्माला आलो पण हिन्दू म्हणून मरणार नाही अशी बाबासाहेबांनी सिंह गर्जना केली.
बौध्द धम्माची दिक्षा घेऊन साऱ्या मानवतेला करुणा शांती बंधुतेची शिकवण दिली.

स्त्रियांना पायाच्या नखापासून डोकींच्या केसा पर्यंत मनुसंस्कृतीने
गुलामगिरीच्या बंधनात बंदिस्त केले होते.
बाबासाहेबांनी हिन्दू कोड बिलांच्या हत्याराने स्त्रियांना सर्व गुलामगिरीतून मुक्त केल्यामुळे स्त्री मोकळा श्वास घेऊन आज सर्व क्षेत्रात भरारी घेते.

बाळंतपणाची रजा आठ तासांची नोकरी,प्रा.फंड पेन्शनची कायद्यात तरतूद केली.
शेतकरी बांधवांना मुबलक प्रमाणात पाणी उपलब्ध करण्यासाठी धरणं बांधली.
भिमाईमाता आणि रमाई मातेने उभं आयुष्य मानवतेचा शिल्पकार घडविण्यासाठी दुःखामध्येचं स्वतःचं सुख शोधले.
बाबासाहेबांना बहुजनांच्या उद्धारासाठी अहोरात्र मेहनत घेऊन संस्कारांच्या छायेखाली त्यांना वाढविले.

स्वतःच्या जन्म दिलेल्या मुलांना परिस्थितीमुळे वाचवू नाही शकले.
तरी देखील डॉ. बाबासाहेबांनी आणि
रमाईमातेने कोट्यावधी बहुजनांचे जीवन प्राण वाचवले.

स्वतः साठी बंगला बांधणारे अनेकजण दिसले.
पण पुस्तकांसाठी बंगला बांधणारे एकमेव डॉ. बाबासाहेब पाहिले.

पुस्तकाच्यावर जीवापाड प्रेम करणारे डॉ. बाबासाहेब पाहिले.
बहुजनांचे जीवन उद्ध्वस्त करून मानवतेला कलंकित ठरलेली मनुस्मृती रायगडच्या पायथ्याला जाळून टाकले.

विविध जाती धर्माच्या लोकांना निरपेक्षपणे जगण्याचे व्यक्ती स्वांतत्र्य मिळवून दिले.
संविधान हा सर्वात श्रेष्ठ ग्रंथ‌ लिहून देशातील जनतेला माणूस म्हणून जगण्याचा अधिकार हक्क मिळवून दिले.
अज्ञानाच्या अंधकारातून प्रकाशाकडे जीवनाची वाटचाल करीत होते.
अज्ञानाच्या अंधकारला गाडून विज्ञानाचा मार्ग नेहमी शोधत होते.

बाबासाहेबांनी शाळेच्या बाहेर बसून शिक्षणाचे ज्ञान ग्रहण केले.
संपूर्ण विश्वात सिबाॅल ऑफ नाॅलेज म्हणून प्रसिद्धीच्या यादीत नाव कोरले.

बाबासाहेबांच्या ज्ञानाचे भांडार संपूर्ण जगाला मार्गदर्शक ठरले.
मनुवादी व्यवस्थेचे खरे स्वरूप जनतेच्या नजरेसमोर उघड्यावर पाडले.

महासागरातील ज्ञानामृत शाईच्या लेखणीने जगप्रसिध्द संविधान लिहिले.
मनुस्मृतीच्या होणाऱ्या त्रासातून दलितांना कायमचेच ‌मुक्त‌ केले.

संपूर्ण विश्वात डॉ. बाबासाहेबांचे पुतळे उभारून जयंती महोत्सव साजरा केला जातो.
मनुवादी विचाराने प्रेरित झालेला माणूसं नेहमी सकुणी मामा सारखा जळत राहतो.

दरवर्षी १४ एप्रिलला बेंड भाज्यांच्या तालावर डॉ. बाबासाहेबांना डोक्यावर घेऊन आंनद उत्सव साजरा करणारे भीमसैनिक दिसून येत आहे.
डॉ. बाबासाहेबांना डोक्यावर घेण्या पेक्षा त्यांच्या विचारांचा वारसा डोक्यात घेऊन चालणं गरजेचे आहे.

आयुष्य भर मानवतेसाठी चंदना प्रमाणे शेवटच्या श्वासापर्यंत झिजले.
आयुष्यभर संकटांच्या महासागरात पोहतचं शेवटी सागराच्या पायथ्याशी झोपले.

बाबासाहेबांची चित्ता चंदनाच्या अग्नीत जळत होती.
त्याचवेळी कोट्यावधी जनतेची अस्मिता जळत होती.

संविधानांचे शिल्पकार कायदे तज्ञांची बुध्दीमत्ता जळणाऱ्या ज्ञान ज्योतीचा प्रकाश आकाशाला भिडला होता.
500वर्षापुर्वीचा इतिहास बदलणारा विद्रोही सुर्या सारखा विश्वाला ज्ञान प्रकाश देणारा बाबासाहेब जळत होता.

कोलबियाचा स्वाभिमान आणि सर्वोत्तम संसदेतील संसदपटूची विवेकवादी बुद्धीमत्ता जळत होती.

दादर समुद्र चौपाटीवर बहुजनांचा बाबासाहेब शांत निजला .
समुद्र ही बाबांच्या दुःखात लाटांच्या सहाय्याने ढसा ढसा रडला.

नमो बुध्दाय जयभीम.कोटी कोटी प्रणाम 🙏🙏🙏🙏🙏

देशमुख पी. आर.

9921111955

🙏🙏